Atodiad A
Amserlen
Bil Safleoedd Rheoleiddiedig Cartrefi Symudol (Cymru)
|
Carreg Filltir |
Dyddiadau |
|
1. Cyflwynwyd y Bil / Gosodwyd y Bil |
25 Hydref 2012 (dydd Iau) |
|
2. Dyddiad cau i’r Pwyllgor ystyried y Bil yng Nghyfnod 1 |
22 Chwefror 2013 |
|
3. Cyfnod 1 yn dod i ben – Dadl ar yr egwyddorion cyffredinol yn y Cyfarfod Llawn |
6 Mawrth 2013 |
|
4. Cyfnod 2 yn dechrau |
7 Mawrth 2013 |
|
5. Dyddiad cynharaf posibl ar gyfer ystyried y Bil yng Nghyfnod 2 |
17 Ebrill 2013 |
|
6. Cyfnod 2 yn dod i ben – Dyddiad cau ar gyfer y pwyllgor yng Nghyfnod 2 |
10 Mai 2013 |
|
7. Cyfnod 3 yn dechrau |
13 Mai 2013 |
|
8. Cyfnod 3 a Chyfnod 4 yn y Cyfarfod Llawn |
12 Mehefin 2013 |
|
9. Cydsyniad Brenhinol |
Gorffennaf 2012 |
Nodiadau
2
Mae hyn yn
caniatáu 11 wythnos eistedd ar gyfer trafodion Cyfnod 1 yn y
pwyllgor.
Toriad mis Hydref: 29 Hydref 2012 - 4 Tachwedd 2012
Toriad y Nadolig: 10 Rhagfyr 2012 - 7 Ionawr 2013
4
Mae Cyfnod 2 yn
dechrau ar y diwrnod gwaith cyntaf ar ôl i Gyfnod 1 ddod i
ben.
Toriad y Pasg: 25 Mawrth 2013 – 12 Ebrill 2013
5 Rhaid i 15 diwrnod gwaith o leiaf fynd heibio rhwng dechrau Cyfnod 2 a’r cyfarfod pwyllgor cyntaf.
6 Mae tri chyfarfod posibl wedi eu caniatáu ar gyfer trafodion Cyfnod 2.
7 Mae Cyfnod 3 yn dechrau ar y diwrnod gwaith cyntaf ar ôl i Gyfnod 2 ddod i ben.
8 Rhaid i 15 diwrnod gwaith o leiaf fynd heibio rhwng dechrau Cyfnod 3 a dyddiad cyfarfod cyntaf y Cynulliad sy’n ystyried trafodion Cyfnod 3.
9
Mae’r
dyddiad hwn yn dibynnu ar y cyfnod cyfeirio ac ymyrryd o bedair
wythnos, ac wedi hynny, a yw Ei Mawrhydi ar gael i roi Cydsyniad
Brenhinol.
|
Pwyllgor Cymunedau,
Cydraddoldeb a Llywodraeth Leol |
|
|
|
Bae Caerdydd /
Cardiff Bay |
|
|
Dd mm yyyy |
Atodiad B
Annwyl Syr/Madam
Ymgynghoriad ar Fil Safleoedd Rheoleiddiedig Cartrefi Symudol (Cymru)
Beth yw Bil?
Cyfraith ddrafft yw Bil. Ar ôl i’r Cynulliad ystyried a phasio Bil, a chael Cydsyniad Brenhinol gan y Frenhines, mae’n dod yn ‘Ddeddf y Cynulliad.’
Mae pedwar cyfnod i’r broses o ystyried Bil. Mae Cyfnod 1 yn golygu cael pwyllgor i ystyried egwyddorion cyffredinol y Bil (sy’n cynnwys cymryd tystiolaeth ysgrifenedig ac ar lafar gan rai sydd â diddordeb a chan randdeiliaid), a chael chytundeb y Cynulliad i’r egwyddorion cyffredinol hynny.
Beth mae’r Bil hwn yn gobeithio ei gyflawni?
Mae’r Memorandwm Esboniadol sy’n cyd-fynd â’r Bil yn datgan:
"Mae i’r Bil hwn nifer o amcanion. Yn gyntaf, cyflwyno cyfundrefn drwyddedu newydd ar gyfer safleoedd cartrefi symudol a rhoi pwerau digonol i’r awdurdodau lleol i orfodi’r gyfundrefn honno. Bydd hyn yn cynnwys sicrhau bod perchnogion a rheolwyr safleoedd yn pasio prawf person addas a phriodol [...] Bydd y Bil hefyd yn rhoi pwerau i Weinidogion Cymru i gymeradwyo cod ymarfer o ran rheoli safleoedd yn ogystal â phwerau i wneud rheoliadau rheoli. Ar ben hyn, mae’r Bil yn ceisio moderneiddio nifer o agweddau ar y berthynas gontractiol rhwng perchnogion cartrefi symudol a gweithredwyr safleoedd, gan gynnwys newid y broses ar gyfer prynu a gwerthu cartrefi."
"Nid yw’r Bil yn effeithio ar y gyfraith sy’n ymwneud â safleoedd carafannau gwyliau neu garafannau teithiol, er y bydd yn effeithio ar safleoedd dibenion cymysg [...] o ran y rhannau preswyl."
Beth yw rôl y Pwyllgor?
Rôl y Pwyllgor yw ystyried egwyddorion cyffredinol y Bil a chyflwyno adroddiad arnynt. Wrth wneud hyn, mae’r Pwyllgor wedi cytuno i weithio o fewn y fframwaith a ganlyn:
Ystyried a ddylai’r Pwyllgor argymell bod y Cynulliad yn cymerdawyo egwyddorion cyffredinol y Bil, gan ystyried:
1. a oes angen Bil i sefydlu cyfundrefn drwyddedu ar gyfer safleoedd cartrefi symudol yng Nghymru, a gwneud darpariaeth mewn perthynas â rheoli a gweithredu safleoedd o’r fath;
2. a yw’r Bil, fel y’i drafftiwyd ar hyn o bryd, yn cyflawni’r nodau a ddatganwyd ynddo;
3. prif ddarpariaethau’r Bil, ac a ydynt yn briodol i gyflawni ei ddibenion;
4. a oes unrhyw rwystrau posibl o ran rhoi darpariaethau’r Bil ar waith, ac os felly, a yw’r Bil yn rhoi ystyriaeth ddigonol iddynt;
5. a oes unrhyw ganlyniadau anfwriadol yn deillio o’r Bil fel y’i drafftiwyd ar hyn o bryd;
6. a oes cydbwysedd rhesymol rhwng y pwerau ar wyneb y Bil a’r pwerau a roddir i Weinidogion Cymru wneud is-ddeddfwriaeth; a
7. barn rhanddeiliaid yr effeithir arnynt gan y Bil, gan gynnwys, ond heb fod yn gyfyngedig i, berchenogion tai symudol, perchenogion a gweithredwyr parciau cartrefi symudol, awdurdodau lleol fel awdurdodau trwyddedu safleoedd a’r Tribiwnlys Eiddo Preswyl.
Gwahoddiad i gymryd rhan yn yr ymchwiliad
Rydym yn gwerthfawrogi y caswoch, efallai, wahoddiad yn ddiweddar i ymateb i ymarferiad ymgynghorol gan Peter Black AC, a oedd yn gofyn am eich barn am ystod o gynigion polisi er mwyn bod yn sail i ddrafftio’r Bil.
Hoffai’r Pwyllgor eich gwahodd i gyflwyno tystiolaeth ysgrifenedig er mwyn ein cynorthwyo ni â’r gwaith o graffu ar y Bil, ac felly yn gofyn am eich barn ar nodau ac amcanion y Bil fel y’i draffitwyd, ac o ran yr effaith y bydd y Bil yn ei chael. Yn benodol, byddem yn croesawu eich sylwadau ar y cwestiynau a restrir yn Atodiad 1.
Sut i gyfrannu
Mae amryw o ffyrdd o gyflwyno tystiolaeth, ond rhaid i bob cyflwyniad ein cyrraedd erbyn 7 Rhagfyr 2012. Efallai na fydd yn bosibl inni ystyried unrhyw ymateb a ddaw i law ar ôl y dyddiad hwn.
E-bost
Os hoffech gyflwyno tystiolaeth ar e-bost, anfonwch gopi electronig o’ch cyflwyniad at pwyllgor.CCLll@cymru.gov.uk, gan roi "Ymgynghoriad – Bil Safleoedd Rheoleiddiedig Cartrefi Symudol (Cymru)" yn llinell pwnc y neges e-bost.
Ar-lein
Os hoffech gyflwyno eich tystiolaeth ar-lein, mae cwestiynau’r ymgynghoriad ar gael yn https://www.surveymonkey.com/s/Bil-Safleoedd-Rheoleiddiedig-Cartrefi-Symudol.
Llythyr
Os hoffech ysgrifennu atom, dyma’r cyfeiriad:
Helen
Finlayson
Clerc
Y Swyddfa Ddeddfwriaeth
Cynulliad Cenedlaethol Cymru
Bae Caerdydd
CF99 1NA
Wrth baratoi eich cyflwyniad, cadwch y canlynol mewn cof:
· dylai eich ymateb gyfeirio at y materion sydd gerbron y Pwyllgor;
· bydd y Cynulliad Cenedlaethol fel rheol yn sicrhau bod ymatebion i ymgynghoriad cyhoeddus ar gael yn gyhoeddus, ac efallai y cânt eu gweld a’u trafod gan Aelodau’r Cynulliad mewn cyfarfodydd pwyllgor. Os nad ydych am i’ch ymateb na’ch enw gael eu cyhoeddi, mae’n bwysig eich bod yn nodi hynny’n glir wrth gyflwyno’r dystiolaeth;
· nodwch ai ymateb fel unigolyn neu ar ran sefydliad yr ydych; a
· nodwch a fyddech yn barod i roi tystiolaeth lafar i’r Pwyllgor.
Mae’r Pwyllgor yn croesawu cyfraniadau yn Gymraeg ac yn Saesneg a gofynnwn i sefydliadau sydd â chynlluniau/polisïau Iaith Gymraeg ddarparu cyflwyniadau dwyieithog, yn unol â'u polisïau ar ddarparu gwybodaeth i'r cyhoedd. Bydd y Pwyllgor yn ystyried yr ymatebion i’r ymgynghoriad ac yn cynnal sesiynau tystiolaeth lafar yn ystod tymor yr hydref a thymor y gwanwyn.
Er gwybodaeth, mae’r Pwyllgor yn gwahodd ymatebion gan y rhai a enwyd ar y rhestr atodedig (gweler Atodiad 2). Byddai’r Pwyllgor yn ddiolchgar petaech yn gallu anfon copi o’r llythyr at unrhyw unigolion neu sefydliadau nad ydynt wedi’u cynnwys ar y rhestr hon, ond a hoffai gyfrannu at yr ymchwiliad. Mae copi o’r llythyr hwn wedi’i roi ar wefan y Cynulliad ynghyd â gwahoddiad agored i gyflwyno sylwadau.
Datgelu gwybodaeth
Mae’n arferol i’r Cynulliad Cenedlaethol gyhoeddi tystiolaeth a ddarperir i bwyllgor. O ganlyniad, efallai y bydd eich ymateb yn ymddangos mewn adroddiad neu mewn tystiolaeth ategol sy’n rhan o adroddiad. Ni fydd y Cynulliad Cenedlaethol yn cyhoeddi gwybodaeth a ystyrir yn ddata personol.
Os ceir cais am wybodaeth a gyflwynwyd o dan ddeddfwriaeth y DU, efallai y bydd angen datgelu’r wybodaeth a ddarperir gennych. Gall hyn gynnwys gwybodaeth a ddilëwyd cyn hynny gan y Cynulliad Cenedlaethol at ddibenion cyhoeddi.
Os byddwch yn darparu unrhyw wybodaeth, ac eithrio data personol, nad yw’n addas i’w datgelu i’r cyhoedd yn eich barn chi, eich penderfyniad chi yw nodi pa rannau na ddylid eu cyhoeddi a rhoi dadl resymol dros hyn. Bydd y Cynulliad Cenedlaethol yn ystyried hyn wrth gyhoeddi gwybodaeth neu wrth ymateb i geisiadau am wybodaeth.
Os oes gennych unrhyw gwestiynau, cysylltwch â Helen Finlayson, Clerc y Pwyllgor, ar 029 2089 8600 neu drwy e-bost, Helen.Finlayson@wales.gov.uk.
Yn gywir
Ann Jones AC
/ AM
Cadeirydd /
Chair
Atodiad 1
Cwestiynau’r ymgynghoriad
Cyffredinol
1. A oes angen am Fil i ddiwygio’r trefniadau ar gyfer trwyddedu safleoedd rheoleiddiedig cartrefi symudol yng Nghymru a gwneud darpariaeth ar gyfer eu rheoli a’u gweithredu? Esboniwch eich ateb.
2. A ydych yn credu bod y Bil, fel y’i drafftiwyd, yn bodloni’r amcanion sydd wedi’u nodi yn y Memorandwm Esboniadol? Esboniwch eich ateb.
3. Yn eich barn chi, a fydd y gyfundrefn drwyddedu a gorfodi y mae’r Bil yn ei sefydlu yn addas? Os na fydd, ym mha ffordd y dylid newid y Bil?
4. A yw cynigion y Bil o ran prawf person addas a phriodol ar gyfer perchenogion a gweithredwyr safleoedd yn briodol a beth fydd y goblygiadau?
5. A yw’r gwelliannau i’r berthynas gytundebol rhwng perchenogion cartrefi symudol a pherchenogion safleoedd a fyddai’n cael eu gwneud yn sgìl y Bil yn berthnasol? Os nad ydynt, ym mha ffordd y dylid newid y Bil?
6. Yn eich barn chi, sut fydd y Bil yn newid y gofynion ar berchenogion a gweithredwyr y safleoedd hyn, a beth fydd effaith y newidiadau hyn, os o gwbl?
7. A ydych yn cytuno y dylai’r Tribiwnlys Eiddo Preswyl fod â’r awdurdodaeth i ymdrin â’r holl achosion o anghydfod sy’n ymwneud â’r Bil hwn, ar wahân i erlyniadau troseddol? Rhowch resymau, os gwelwch yn dda.
8. Beth yw’r rhwystrau posibl i roi darpariaethau’r Bil ar waith (os ydynt yn bodoli), ac a yw’r Bil yn rhoi ystyriaeth ddigonol iddynt?
Pwerau i wneud is-ddeddfwriaeth
9.
Beth yw eich barn am y pwerau yn y
Bil i Weinidogion Cymru wneud is-ddeddfwriaeth (hynny yw, offerynau
statudol, gan gynnwys rheoliadau, gorchmynion a
chyfarwyddiadau)?
Yn eich ateb i’r cwestiwn hwn, mae’n bosibl y byddwch
am ystyried Adran 5 o’r Memorandwm Esboniadol, sy’n
cynnwys tabl yn crynhoi’r pwerau a fydd yn cael eu rhoi i
Weinidogion Cymru yn y Bil.
Goblygiadau ariannol
10. Yn eich barn chi, beth yw goblygiadau ariannol y
Bil? Dylech ystyried graddfa’r goblygiadau ariannol
a’r ffordd y maent wedi cael eu dosbarthu.
Wrth ateb y cwestiwn hwn, mae’n bosibl y byddwch am ystyried
Rhan 2 o’r Memorandwm Esboniadol (yr Asesiad Effaith
Rheoleiddiol) sy’n cynnwys amcangyfrif o’r costau
a’r buddion sy’n gysylltiedig â rhoi’r Bil
ar waith.
Sylwadau eraill
11. A oes unrhyw sylwadau eraill yr hoffech eu gwneud am rannau penodol o’r Bil?